Etuwa lyaECN eli lina simbi yipakote yivali yoyimbapira yehoroworo litware kosure zaMoses //Garoeb Primary School kevango limwe oku ngava vhura kuhorowera mungura, lina gwanekere nehudi omu vanalisitamba monompatji kombesagona.
Ehudi kuna horokere moVenduka, pokatji kositarata saFlorence Nightingale naHarvey Street. Mokukwama kombudi zaNew Era, mukurona gumwe govaporosi Warrant Shihepo Mweshi ogu anavhuru kukumburura kosimpagwasina kuna huyunga asi, “ehudi kwahoroka morwa musingi gombesagona kwasingi nongenderera”.
Etuwa limwe lyoECN vana litumu livhure kuka twara yimbapira kevango eli ngava horowe mungura.
Mungura ezuva limwe lyenene moNamibia omu vaNamibia ngava zakomavango gehoroworo vakahorowore nompitisili dawa.
Read more
